PRAEFECTIANI

PRAEFECTIANI

ab Imperatore dicebantur, postremis temporibus, qui Praefecti Praefecti Praetorio apparitoreserant, l. 2. et 3. Cod. de apparit. Praef. Praet. l. 8. C. de Off. rect. provinc. Atque hôc vocabulô utitur Tribonianus, l. 12. C. rubr. de castrensi peculio militum: ubi pro Praefectis annonae restituendum Praefectianorum, ex lib. vet. ut testatur Iac. Cuiacius, in not. Instit. tit. de milit. Testam. Marcellinus, l. 17. Ut nec Praefectianus, nec Praesidialis apparitor ad solvendum quemquam urgeret. Prateius apud Ioh. Calvin. Lexic. Iurid. Synodus Mopsvestana in V. Concil. Constantinop. Collat. 5. Praefectianus sum, in hac civitate natus. Anastasius, in Hormisda, Tunc Imperator repletus furiâ eiecit eos per posterulam et inposuit eos in navim periculosam cum militibus et Magistrianis et Praefectianis, etc. His ad aliam militiam transeundi potestatem non fuisse, discimus ex Cod. Theodos. l. 8. de diversar. Officiar. l. 19. Cuiustibet Iudicis apparitores, inter quos etiam Praefectianos locamus, ad quamcumque aliam militiam vel palatinam, vel militarem transierit, retrahendi hos copiam illis, quos deseruêre, tribuimus: Quare verum huius vocabuli significatum intellexisse non videtur dela Cerda, dum inquit, Praefectianos genus militum fuisse. Macri Fratres Hierolex.